Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Երկու գերտերությունները չեն ճանաչում ԽՍՀՄ ներքին վարչական սահմանները». Նաիրի Հոխիկյան

«Երկու գերտերությունները չեն ճանաչում ԽՍՀՄ ներքին վարչական սահմանները». Նաիրի Հոխիկյան
206
Չորեքշաբթի, 19 մայիսի, 2021 թ., 16:30

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «ԱՄՆ-ն և Ռուսաստանը փաստացի «վիճելի» են անվանում Հայաստանի և Ադրբեջանի սահմանային տարածքները։ Դա խոսում է այն մասին, որ երկու գերտերությունները չեն ճանաչում ԽՍՀՄ ներքին վարչական սահմանները։

Հետևաբար, ինչպես ամիսներ շարունակ պնդում եմ, հիմա էլ կրկնում եմ՝ Հայաստանը կարող է առ ոչինչ ճանաչել ԽՍՀՄ տարիներին Քարվաճառի և Քաշաթաղի (Լաչին) շրջանների մեծ մասը Հայաստանից կտրելու և Ադրբեջանին նվիրաբերելու որոշումները։

Արխիվային բոլոր փաստաթղթերով և քարտեզներով մինչև 1933-35 թվականները Քարվաճառի Ալ լճերին հարակից հսկայական տարածքները, Քաշաթաղի մեծ մասը, նաև Ղուբաթլուն եղել են Հայաստանի կազմում։

Ունեք միջազգային իրավունքից բխող փաստեր, ունենք համաշխարհային գերտերությունների հայտարարություններ։ Գործեք ի նպաստ հայկական պետականության»։