«Հաջողություն եմ ցանկանում իրենց՝ իհարկե, ոչ այնքան, որ մեզ հաղթեն»․ Հովիկ Աղազարյան

«Ես նախ ողջունում եմ ՀԱԿ-ի՝ արտահերթ խորհրդարանական ընտրություններին մասնակցելու որոշումը, որովհետև, անկախ իմ ունեցած վերաբերմունքից Լևոն Տեր-Պետրոսյանի նկատմամբ, ես գտնում եմ, որ ՀԱԿ-ում կան բազմաթիվ քաղաքական գործիչներ, որոնք իրենց օրինակով, գիտելիքներով կարող են օգտակար լինել մեր հայրենիքի զարգացմանը»,- այսօր՝ լրագրողների հետ զրույցում, անդրադառնալով արտահերթ խորհրդարանական ընտրություններին ՀԱԿ-ի մասնակցությանը, ասել է իմքայլական Հովիկ Աղազարյանը։

«Հետևաբար ես հաջողություն եմ ցանկանում իրենց՝ իհարկե, ոչ այնքան, որ մեզ հաղթեն»,- հավելել է պատգամավորը։

«էդպիսի մարդիկ պիտի լինեն խորհրդարանում, որոնք քաղաքական և գաղափարական հենքով են շաղախված իրար հետ։ Բնականաբար, նման մարդկանց հետ և բանավիճելն է հեշտ․․․»,- նշել է Աղազարյանը։