Զարեհ Սինանյանը տեղյակ չէ՝ Փաշինյանն ինչ փաստաթուղթ է ստորագրելու

Սփյուռքի գործերի գլխավոր հանձնակատար Զարեհ Սինանյանը լրագրողների հետ ճեպազրույցում ասաց, որ տեղյակ չէ այն փաստաթղթից, որի մասին այսօր խոսեց Նիկոլ Փաշինյանը. «Ոչ, ես տեղյակ չեմ, ինձ չի ներկայացվել»: Հարցին՝ Ձեզ վատ չեք զգո՞ւմ, որ Կառավարության ղեկավարը հանրության մեջքի ետևում փաստաթուղթ է ստորագրում, ասաց. «Մեջքի հետևում, քաղաքական թուղթ... հայտարարություններ եք անում: Երբ ժամանակը գա՝ կհանրայնացվի»:

Հիշեցնենք՝ Կառավարության նիստի ժամանակ Նիկոլ Փաշինյանը հայտարարել էր. «Այն լուծումները, որոնք այս պահին մեր միջազգային գործընկերների հետ ձեռք են բերված նախնականում, համապատասխանում են ՀՀ շահերին: Այո, եթե Ադրբեջանը էդ պայմանավորվածություններն իրագործի ու էն պայմաններում, ինչ որ խոսել ենք, ես այդ թուղթը ստորագրելու եմ: Ես դա չեմ հրապարակի, որովհետև կոռեկտ չէ՝ աշխատանքային թուղթ է, բանակցություններ են ընթանում և այլն»: