«Աչքիդ ա երևում». Արարատի մարզպետը՝ լրագրողին

186

Հինգշաբթի, 20 մայիսի, 2021 թ., 13:40

Կառավարության նիստից հետո լրագրողներն Արարատի մարզպետ Ռազմիկ Թևոյանից հետաքրքրվեցին՝ իրեն անհանգստացնո՞ւմ է այն փաստաթուղթը, որը պատրաստվում է ստորագրել Նիկոլ Փաշինյանը, որով, ասում են, Տիգրանաշենն էլ է տրվելու Ադրբեջանին:

«Աչքիդ ա երևում»,- արձագանքեց մարզպետը:

Հիշեցնենք՝ Կառավարության նիստի ժամանակ Նիկոլ Փաշինյանը հայտարարել էր. «Այն լուծումները, որոնք այս պահին մեր միջազգային գործընկերների հետ ձեռք են բերված նախնականում, 100 տոկոսով համապատասխանում են ՀՀ շահերին: Այո, եթե Ադրբեջանը էդ պայմանավորվածություններն իրագործի ու էն պայմաններում, ինչ որ խոսել ենք, ես այդ թուղթը ստորագրելու եմ: Ես դա չեմ հրապարակի, որովհետև կոռեկտ չէ՝ աշխատանքային թուղթ է, բանակցություններ են ընթանում և այլն»: