«Հայ գերիների նկատմամբ բռնությունը Ժնևյան կոնվենցիայի խախտում է»․ ԵԽ պատգամավոր

Եվրոխորհրդարանի լիագումար նիստում՝ ռազմագերիների թեմայով քննարկման ժամանակ, ԵԽ սոցիալիստների ու դեմոկրատների դաշինքի անդամ Իզաբել Սանտոսը հայտարարել է․ «Մենք զեկույցներ ենք տեսնում այն մասին, որ հայ ռազմագերիները ենթարկվում են բռնությունների ու արժանապատվությունը նվաստացնող վերաբերմունքի: Սա Ժնևյան կոնվենցիայի հստակ խախտում է: Մենք պահանջում ենք բոլոր ռազմագերիների ազատ արձակում՝ առանց նախապայմանների։ 2020 թվականի նոյեմբերին կնքված եռակողմ համաձայնագիրը պետք է ամբողջությամբ իրականացվի։ Կողմերը պետք է հրաժարվեն թշնամական հռետորաբանությունից ու վերադառնան բանակցային սեղանի շուրջ՝ Մինսկի խմբի հետ աշխատելով»։