Քաղաքացիների բողոքի ակցիան՝ Կառավարության շենքի դիմաց․ ՈՒՂԻՂ ՄԻԱՑՈՒՄ

Այսօր՝ մայիսի 20-ին, քաղաքացիները բողոքի ակցիա են իրականացնում Կառավարության շենքի դիմաց:

«Հասարակությունը չի վստահում իշխանավորների խոսքերին: Նրանք ապացուցել են, որ իրենց խոսքն ու գործը չեն համընկնում: Նիկոլ Փաշինյանը նշում էր, որ Արցախի հարցով գաղտնի փաստաթղթեր չի ստորագրելու, ասում էր՝ գալու եմ հրապարակ, ձեզ հետ քննարկենք, նոր ստորագրեմ: Բայց ականատես եղանք 2020թ. նոյեմբերի 9-ի կապիտուլյացիոն փաստաթղթի ստորագրմանը: Սա է մեզ անհանգստացնում: Այսօր էլ խոսվում է ինչ-որ նոր փաստաթուղթ ստորագրելու մասին»,- հայտարարեց Փաստաբանների պալատի նախագահ Արա Զոհրաբյանը: Նա ընթերցեց իրենց պահանջները Կառավարությունից. «Առանց նախնական հանրային քննարկման ու ժողովրդի համաձայնության, չստորագրել որևէ փաստաթուղթ, որը վերաբերելու է տարածքներին, սահմաններին, տրանսպորտային և այլ կապերին: Երկրորդ, ՊՆ-ից ու ԳՇ-ից պահանջում ենք կատարել երկրի պաշտպանության ապահովման սահմանադրական պարտականությունը՝ ամրացնել հայ-ադրբեջանական շփման գծում մեր դիրքերը: Երրորդ, պահանջում ենք, որպեսզի պաշտոնատար անձինք ժողովրդի հետ խոսեն միայն ճշմարիտ տեղեկություններով»: