«Դուք մի հատ թուղթ չեք կարում գաղտնի պահել, ո՞ւմ վրա եք մունաթ գալիս»․ Էդմոն Մարուքյան

«Ես ուզում եմ ասել՝ զարմացած եմ վարչապետի ելույթից էն իմաստով, որ չգիտեմ ում վրա է մունաթ գալիս։ Ուզում եմ հասկանալ՝ ով է մեղավոր, որ կառավարությունն ասում է, թե թուղթը պետք է գաղտնի մնար, բայց գաղտնի չի մնացել։ Հիմա ո՞ւմ վրա եք մունաթ գալիս։ Դուք մի հատ թուղթ չեք կարողանում գաղտնի պահել, սահմանները ո՞նց եք պահելու»,- Աժ-ում հայտարարեց ԼՀԿ խմբակցության ղեկավար Էդմոն Մարուքյանը։

«Ովա՞ ասել, որ մինչև ընտրությունները էս հարցերը պետք է քննարկվեր։ Այո՛, զորքը մտել է Հայաստանի տարածք․ ասվել էր՝ չենք հանդուրժելու, բանակցություններով դուրս ենք հանելու, բայց դա չէր ենթադրում նոր պարտավորություններ»,- նկատեց Մարուքյանը։