Փաշինյանն Ադրբեջանի հետ փաստաթուղթ կստորագրի առանց ԱԺ հավանության. ԼՀԿ նախագիծը մերժվեց

«Լուսավոր Հայաստան» խմբակցության ներկայացրած՝ «2021 թվականի մայիսի 12-ից Հայաստանի Հանրապետության տարածքային ամբողջականության խախտման, Հայաստանի Հանրապետության նկատմամբ ուժի կիրառման արդյունքում առաջացած իրավիճակում Հայաստանի Հանրապետության կառավարության կողմից իրականացվող գործողությունների մասին» ԱԺ հայտարարության նախագիծը՝ ձայների՝ 25 կողմ, 0 դեմ, 0 ձեռնպահ հարաբերակցությամբ ԱԺ-ի կողմից չընդունվեց։

«Իմ քայլը» խմբակցության պատգամավորները չմասնակցեցին քվեարկությանը։

Խմբակցության ղեկավար Լիլիթ Մակունցը պարզաբանեց, որ Իմքայլական Վլադիմիր Վարդանյանը և ԼՀԿ-ական պատգամավոր Տարոն Սիմոնյանը քննարկումներ են ունեցել հայտարարության տեքստի շուրջ, որի վերաբերյալ «Իմ քայլը» ունեցել է բովանդակային առաջարկներ, և քանի որ ընդհանուր հայտարարի չի հաջողվել գալ, ուստի «Իմ քայլը» խմբակցությունը չի մասնակցել քվեարկությանը։