«Հանկարծ քաղաքական հարցեր չտա՛ք»․ Արթուր Աբրահամը Կառավարության շենքի մոտ է

Ինչպես արդեն հայտնել ենք, մի խումբ քաղաքացիներ բողոքի ակցիա են իրականացնում Կառավարության շենքի դիմաց։ Նրանք վարչապետի պաշտոնակատար Նիկոլ Փաշինյանից պահանջում են առանց հանրային քննարկման փաստաթուղթ չստորագրել։
Կառավարության շենքի մոտ է նաև հայ պրոֆեսիոնալ բռնցքամարտիկ Արթուր Աբրահամը։
«Ես առաջին հերթին ցանկանում եմ իմ ազգին խաղաղություն, որ ոչ ոք պրոբլեմ չունենա։ Իսկ քաղաքական հարցերին չեմ կարող պատասխանել, որովհետև քաղաքականությանը չեմ խառնվում, ուղղակի ես խնդրում եմ, թող բոլորն իրենց մաքսիմում ջանքերով էնպես անեն, որ մեր երկրում խաղաղություն լինի, մեր զինվորի մազը չծռվի»,- ասաց բռնցքամարտիկը։