«Քոչարյանը և Փաշինյանն ասում են՝ ՀՀ-ը պիտի ՌԴ-ի վասալը մնա»․ Ղուկասյան

Հայ Կառուցողական կուսակցության նախագահ Անդրիաս Ղուկասյանն այսօր «Ֆակտոր»-ի եթերում, խոսելով ՀՀ-ում տիրող նախընտրական գործընթացների մասին և թե որ բևեռին է առավել կողմնակից Ռուսաստանը, ասել է. «Ե՛վ Քոչարյանը, և՛ Փաշինյանը խոսում են, որ ՀՀ-ը պետք է շարունակի մնալ ՌԴ-ի վասալ պետությունը և դրանում է մեր ապահովությունը։ Բոլորի ուղերձները նույնն են։ Տարբեր էլեմենտներ են, բայց բոլորն էլ ունեն նույն նպատակը՝ ՀՀ-ը շարունակի մնալ ՌԴ-ի վասալ պետությունը և տեղի ունենա Արցախյան հարցի կարգավորումը այն սկզբունքով, որը ռուս-թուրքական համերաշխության և ռազմական համատեղ գործունեության իմաստով հանդիսանում է դրա գինը։ Իմ ասածում որևէ հակառուսական խոսք չկա, մենք խոսում ենք պետությունների շահերի մասին, ոչ թե հուզական մոտեցում եմ ես ներկայացնում։ Սա իրավիճակի այն բացահայտումն է, որին մենք պետք է բաց աչքերով նայենք՝ առանց հուզական նոտաների և հստակ հասկանանք՝ իսկ մեր ժողովրդին ի՞նչ է հարկավոր, մենք համամի՞տ ենք այդ թեզի հետ, որ միայն ՌԴ-ի վասալի դիրքում գտնվելով և Արցախից հրաժարվելով է ապահովվում մեր անվտանգությունը»:

Մանրամասները՝ տեսանյութում: