Քննարկվում է «Պետական պաշտոններ զբաղեցնող անձանց վարձատրության մասին» օրենքի փոփոխությունը

Կառավարության ներկայացրած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի փոփոխությունները ներկայացրեց Աշխատանքի և սոցիալական հարցերի փոխնախարար Ռուբեն Սարգսյանը: «Փոփոխությունը վերաբերում է սոցփաթեթի ծախսման ուղիներին, առկա չորս ուղղություններին առաջարկում ենք ավելացնել ևս երկուսը, առաջինը՝ մարզա-առողջարանային, սպորտային համալիրների՝ լողավազանների ծառայություններից օգտվելու համար սահմանված վճարի մարումն է, երկրորդը՝ պետական սուբսիդավորմամբ ուսանողական վարկերի մարումը»,- ասաց փոխնախարարը: