«Սա ասել է մի մարդ, ում նախագահության օրոք ժամացույցի պես աշխատած միակ մեխանիզմը քաղաքական սպանությունների մեխանիզմն էր». Վ. Ալեքսանյան

ԱԺ «Իմ քայլը» խմբակցության պատգամավոր Վահագն Ալեքսանյանը, արձագանքելով ՀՀ երկրորդ նախագահի հնչեցրած հայտարարություններին, ասաց. «Ասում է՝ հնարավոր են ընտրակեղծիքներ այս ընտրություններում: Սա ասում է մի մարդ, ում նախագահության օրոք, օրինակ, Տավուշի մարզի մեր սիրելի բնակիչները կարող են պատմել, թե քանի քվեատուփ է դատարկվել Աղստև գետը, քանի ընտրատուփ է փոխվել... Մի երկու օր առաջ էլ ինչ որ հանդիպման ժամանակ ասել է, թե երկիրը պետք է մեխանիզմի նման աշխատի: Սա ասել է մի մարդ, ում նախագահության օրոք ժամացույցի պես աշխատած միակ մեխանիզմը քաղաքական սպանությունների, ժողովրդի ունեզրկման մեխանիզմն էր»: