«Մարդիկ կան, որ ինձ ձեռնոց են նետում և հայտարարում, որ ես իրավունք չունեմ ապրելու ՀՀ-ում». Վ. Վարդանյան

ԱԺ «Իմ քայլը» խմբակցության պատգամավոր Վլադիմիր Վարդանյանն արձագանքել է ՀՀ երկրորդ նախագահ Ռ. Քոչարյանին. «Մարդիկ կան, որ ինձ ձեռնոց են նետում և հայտարարում, որ ես իրավունք չունեմ ապրելու ՀՀ-ում: Կա՞ արդյոք ՀՀ-ում որևիցե մեկը, որ մեկ այլ քաղաքացու իրավունք վերապահի ապրելու կամ չապրելու: Դո՞ւք եք որոշում՝ մենք ապրելու ենք, թե՞ չէ: Ցավում եմ, որ այսպիսի մանիպուլյատիվ եղանակներով ենք մոտենում նախընտրական քարոզարշավին, ցավում եմ, որ երկրի սահմանին ՀՀ ինքնիշխանության ներքո գտնվող տարածքում հայտնվել են թշնամական ուժեր ու մարդիկ կան, որ ոչ թե փորձում են միավորեն ու դրանց դուրս մղեն, ասում են՝ մենք կգանք՝ կդզենք, դզող եք՝ կանգնեք կողքներս՝ դզեք»,- ասաց Վարդանյանը: