«Սա կոչվում է շախ և մատ, որ մեզ արել է թրքառուսիան». Լուսինե Ազնաուրյանց

Հայաստանի եվրոպական կուսակցության նախաձեռնող խմբի անդամ Լուսինե Ազնաուրյանցը ֆեյսբուքյան իր էջում գրել է. «Բոլոր սցենարներն արևմուտքի ջանքերով չեղարկվեցին՝ սկսած դեռ դեկտեմբերի 2-ից։ Վերջին սցենարը, որ մնացել է թրքառուսիայի պահեստում՝ դրդել պաշտոնական Հայաստանին՝ որևէ արևմտամետ քայլ անել, օրինակ, պաշտոնապես դիմել որևէ արևմտյան կառույցի կամ պետության օգնության խնդրանքով (կամ ընդդիմությունը Մայդան սարքի), որպեսզի թրքառուսիան դա առիթ սարքի, հայտարարի, թե Հայաստանը հակառուսական է դարձել ու Սյունիքում մարզպետ֊մուրզպետներն անկախության կամ էլ ՌԴ-ին միանալու «հանրաքվե» կազմակերպեն։ Հենց այդ պատճառով է մեր սահմանները դժոխքի է վերածել ու բացահայտ հակահայկական հայտարարություններ անում ամենաբարձր մակարդակով, որ դրդի Հայաստանին տարածքներ կորցնելու վտանգի առաջ դիմել արևմուտքին։ Իսկ եթե ՀՀ-ն չդիմի արևմուտքին, ապա թրքառուսիան կշարունակի պռճոկել ու մանր-մանր մեզ հայրենիքից զրկելը։
Սա կոչվում է շախ և մատ, որ մեզ արել է թրքառուսիան։ Ահա թե ինչ է նշանակում երկրի գլխին կարգել 8-րդ դասարանի կրթությամբ ու գիտելիքներով կարճամիտների, նույնիսկ եթե նրանք իրենք իրենց մեծն վոիններ կամ մեծն իդեոլոգներ են կարգում»։