Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Մեզնից ուզում են խլել մեր ինքնիշխանությունը․ զիջման մասին խոսք չի կարող լինել»․ Նիկոլ Փաշինյան

«Մեզնից ուզում են խլել մեր ինքնիշխանությունը․ զիջման մասին խոսք չի կարող լինել»․ Նիկոլ Փաշինյան
257
Հինգշաբթի, 27 մայիսի, 2021 թ., 14:50

Ինչպես արդեն հայտնել ենք, ՀՀ վարչապետի պաշտոնակատար Նիկոլ Փաշինյանն այցելել է Գեղարքունիքի մարզի Կութ համայնք։

«Մեզնից ուզում են խլել մեր ինքնիշխանությունը, մեր պետությունը, մեր հայրենիքը»,- բնակիչների հետ հանդիպման ժամանակ ասաց Փաշինյանը։

«Հետ գնանք մինչև 2020 թվականի սեպտեմբերի 27-ը․ ինչո՞ւ Ղարաբաղի հարցը չի կարգավորվել, որովհետև ցանկացած կոմպրոմիսի, որ համաձայնվել է գնալ Հայաստանը, էդ պահից Ադրբեջանն էլ չի համաձայնվել։ Ասվել է՝ լավ, հանուն խաղաղության, եկեք ինչ-որ զիջում անենք, սակայն հաջորդ պահին Ադրբեջանը անընդունելի է համարել՝ փորձելով ավելի մեծ զիջումներ կորզել»։

Փաշինյանը հայտարարեց, որ Ադրբեջանը խախտել է ՀՀ սահմանը, և զիջման մասին խոսք լինել չի կարող։

«Եթե մենք զիջենք մեր սահմանը, իրենց դա ավելի է ոգևորելու․․․ Միջազգային իրավունքի համաձայն՝ սա մեր սուվերեն տարածքն է, և Ադրբեջանի ԶՈՒ-ն միանշանակ այստեղից դուրս պետք է գա»,- հայտարարեց ՀՀ վարչապետի պաշտոնակատարը։