«Քեզ դատելու են՝ Զորիկի հետ միասին». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «Ռուսական քաղաքական մշակույթի մաս է՝ խառնված արևելյան ծածկադմփոցամոլության և վախկոտ լռության հետ, երբ պետական բարձրաստիճան պաշտոնյան հրաժարական է տալիս՝ առանց բացատրություն տալու, առանց ելույթ ունենալու, առանց հայտարարություն հրապարակելու:

ԱԳ նախարար Արա Այվազյանը, կապված դավաճանության երկրորդ փուլի հետ, հրաժարական է տալիս: Ու ոչ մի խոսք չի ասում, թե ինչու, ինչն է իր բողոքը, ինչի հետ համաձայն չէ:

Եվ ի՞նչ է իմացել հիմա, երբ չգիտեր նոյեմբերի 10-ին, երբ դավաճանի ձեռքից ընդունում էր դավաճանության ենթադրոշը՝ ծառայելու նրան և նրա դավաճանական օրակարգին:

Նեխած ատամնաշարով աշխարհին որպես նեխած հանրապետության դեմք ներկայացող արտաքին գործերի նախարարը, որ զորիկից հետո ստանձնեց կոլաբորացիոնիստի աթոռը՝ հիմա էլ լռելյայն ու անհաշվետու է հեռանում:

Արայի՛կ, կապ չունի, որ դու հայ ժողովրդին իրավաբանորեն թաղող փաստաթղթի ակնկալվող ստորագրման նախօրեին լքում ես պաշտոնդ: Քեզ դատելու են: Զորիկի հետ միասին: Այդ օրն անպայման գալու է»: