«Ընտրում եք ՀՀ զարգացումը սահմանափակող վիճա՞կը, թե՞ ազատությունը»․ Ա․ Սաքունց

Իրավապաշտպան Արթուր Սաքունցը ֆեյսբուքյան իր էջում գրել է․ «Ընտրում եք 2008թ մարտի 1-ից 20 արտակարգ ռեժիմը, թե Ազատությունը։
Ընտրում եք ընդամենը մեկ գիշերվա ընթացքում Պուտինի հետ հանդիպումից հետո ՀՀ-ի զարգացումը սահմանափակող վիճակը, թե Ազատությունը։
Ընտրում եք Եվրասիական տնտեսական միություն ասված փակ, ճահճային համակարգը, թե զարգացած տնտեսություն ունեցող և զարգացում երաշխավորող Եվրոպական միությունը։
Ընտրում եք ՀԱՊԿ կոչված կոնցլագերում մնալը, թե Ազատությունը։
Ընտրում եք Հայաստանի պատանդառման եռակողմ համաձայնագիրը, թե Ազատությունը։
Ընտրում եք Արժանապատվությունն ու Ազատությունը, թե գաղութային կապանքների մեջ դանդաղ մեռնելու տարբերակը»։