«Անսպասելի հայտնություն էր «Հայոց պատմության»՝ նրա խոր իմացությունը». Տիգրան Արզաքանցյան

ՀԴԿ-ի հետ դաշինք կազմած Տիգրան Արզաքանցյանը ֆեյսբուքյան իր էջում գրել է. «Ինձ բախտ է վիճակվել ծանոթանալ այս լուսավոր մարդու հետ՝ XIV Դալայ Լաման, մենք հանդիպեցինք ԱՄՆ-ում ու մտերմացանք: Անսպասելի հայտնություն էր «Հայոց պատմության» նրա խոր իմացությունը, մեր ամենշաբաթյա հանդիպումների ժամանակ ինձ պատմում էր Մովսես Խորենացու «Հայոց պատմության»՝ իր համար կարևոր դրվագները, Արտաշիսյան թագավորների իր ընկալումը: Անունս լսելով՝ սկսեց պատմել Տիգրան Մեծի մասին: Եվ ասում էր, որ կուզենար գալ Հայաստան, որպեսզի այցելեր Մեսրոպ Մաշտոցի անվան Մատենադարան և անձամբ տեսներ մեր ձեռագիր մատյանները: Իմ կյանքի ամենաթանկ ձեռքբերումը լավ մարդկանց հետ ընկերություն հաստատելն է ու ամենակարևորը՝՝ պահպանելը: Մենք մինչև հիմա շնորհավորում ենք միմյանց կարևոր տոների առիթով և անհրաժեշտության դեպքում՝ խորհրդակցում»: