«Իրենք էլ իրենց ծնողների երեխաներն էին, որոնց պետությունն էր պարտավորվել պաշտպանել»․ Գ․ Աբրահամյան

ԱԺ նախկին պատգամավոր Գայանե Աբրահամյանը ֆեյսբուքյան իր էջում գրել է. «Խելագարվելու և գոռալու ուժ անգամ չկա... սպիտակ պարկեր, սպիտակ պարկեր, նախարարության անհասկանալի բառակույտ- պարզաբանում, պետության չգոյություն, իսկ մինչ այդ, զուգահեռ իրականության մեջ՝ ոչինչ չասող կարգախոսներ, նկարներ, ժպիտներ, խոստումներ, հոխորտանքներ, մեղադրանքներ։ Տեսնես՝ ինչն է սթափեցնելու այսքանից հետո, պետության ու պետականության վերջնական կորո՞ւստը, թե՞ դա էլ կփաթաթենք մի պարկի մեջ ու կերգենք կորսված հայրենիքի երգը, մենք հայրենիքի կորսվածն ենք սիրում, էդպես հեշտ է, պաթոսն էլ՝ որքան ուզես։
Իրենք էլ իրենց ծնողների երեխաներն էին, որոնց պետությունն էր պարտավորվել պաշտպանել, ՊԱՇՏՊԱՆԵԼ կամ գոնե ստեղծված իրավիճակում՝ պատվել ու հերոսացել»։