«Սա է փնթի ավանտյուրիստի խոստացած «նոր Հայաստանը»». Վահե Դավթյան

358

Չորեքշաբթի, 02 հունիսի, 2021 թ., 20:05

«Մեկ Հայաստան» կուսակցության քաղխորհրդի անդամ Վահե Դավթյանը ֆեյսբուքյան իր էջում գրել է. «Երևանի կենտրոնում օրը ցերեկով մարդ է սպանվում: Սա է փնթի Ավանտյուրիստի խոստացած «նոր Հայաստանը»՝ իր անպատժելիության մթնոլորտով, սոցիալական ու հոգեբանական աղետով, կեղծ «դուխով» ու «հպարտությամբ»:

Ու թող ոչ ոք չասի, թե նախկինում ևս նման դեպքեր են եղել: Քաղաքի սրտո՞ւմ, մարդկանց աչքի առա՞ջ: 2000-ականներից այս կողմ Երևանը համարվել է ամենաանվտանգ քաղաքներից մեկը:
Առհասարակ, մեր հասարակության մեջ գնալով աճում է ագրեսիան, անհանդուրժողականությունը: Դուրս եկեք փողոց ու նայեք մարդկանց դեմքերին: Խորը հիասթափությունն ու ընկճախտը գնալով վերափոխվում են անթաքույց չարության՝ իր բոլոր վտանգավոր հետևանքներով»: