«Ադրբեջանական զինված ուժերը լարվածություն են մտցնում կոնկրետ մարդկանց ցուցումով». ռազմագետ

Ռազմագետ Կարեն Հովհաննիսյանը ֆեյսբուքյան իր էջում գրել է. «Որոշակի տվյալներ վերլուծելով, գալիս եմ այն եզրահանգմանը, որ ՀՀ տարածք ներխուժած ադրբեջանական զինված ուժերը լարվածություն են մտցնում կոնկրետ մարդկանց ցուցումով, կոնկրետ իրավիճակի համար։ Միջադեպերը տեսանկարահանվում են ինչպես սիրողական, հեռախոսների միջոցով, այնպես էլ ԱԹՍ-ներով։ Այս ամբողջ գործողությունը կառավարվում է Անկարայի կողմից, նրանք բոլոր տվյալները հետո վերլուծում են, միջադեպերից հետո մեր բարոյահոգեբանական վիճակն են ստուգում, ինչպես նաև կոնկրետ աշխարհաքաղաքական տրամադրություններ շոշափում։
Բաքվի բռնապետ Ալիևը աշխատում է Էրդողանի մոտ՝ որպես նահանգապետ և իրականացնում է Էրդողանի բոլոր հրամանները։ Որոշ ժամանակ հետո կարող ենք ականատես լինել նաև Բաքվի բռնապետ, ռազմական հանցագործ Ալիևի դեմ բողոքի ակցիաների, քանի որ Ալիևն սկսել է Թուրքիայից պոկվելու և ինքնուրույն քաղաքականություն վարելու նշաններ ցույց տալ։ Իսկ միջադեպերը ՀՀ սահմանից ներս, բացի հոգեբանական կողմից, ունի նաև աշխարհաքաղաքկան ենթատեքստ։ Թուրքիան ամեն ինչ անում է, որպեսզի ինքը խաղաղապահի անվան տակ զորք մտցնի Քարվաճառ և Քաշաթաղ, դա իր երազանքն է»։