«Այդտեղ շատ թե քիչ ազնիվ դիրքորոշում ունեցողը Լևոն Տեր-Պետրոսյանն է»․ Նիկոլ Փաշինյան

«Այո՛, իմ մեծագույն սխալը հետևյալն է՝ ես 2018-2019 թվականի բանակցային պրոցեսի պատմությունը չեմ բացել ժողովրդի առաջ։ Դա մեծ սխալ է եղել, բայց մյուս կողմից էլ չէի կարող, քանի որ դա կլիներ միջազգային սկանդալ»,- այսօր՝ Արարատի մարզի Մասիս գյուղում բնակիչների հետ հանդիպման ժամանակ, հայտարարեց ՀՀ վարչապետի պաշտոնակատար Նիկոլ Փաշինյանը։
«2018 թվականի ապրիլի 17-ին Սերժ Սարգսյանը հայտարարել է, որ բանակցային գործընթացը կանգնած է, լավատեսություն չի ներշնչում։ Թող ասեն՝ 2018 թվականից հետո իրանք Ղարաբաղի հարցն ի՞նչ էին անելու։ Էդտեղ շատ թե քիչ ազնիվ դիրքորոշում ունեցողը Լևոն Տեր-Պետրոսյանն է, ով էլի մինչև վերջ չի ասում, որովհետև երբ հարց են տալիս, որ մինչև վերջ ասի, թե ոնց է պատկերացնում, ասում է՝ դե ես չգիտեմ, ինֆորմացիա չունեմ․․․ Ճիշտ չի ասում, ամբողջ ինֆորմացիան բոլորն ունեն»,- ասաց Փաշինյանը։