«Էդ լակոտ-լուկուտները, որ փողոցներում ափռ-ցփռ դուրս են տալիս, ուզում եմ ասել՝ հերիք եղավ, բոլ եղավ»․ Ն․ Փաշինյան

«Էնպես ստացվեց, որ մեր հիմնական առավելությունը դարձավ մեր հիմնական մեղքը։ Դա ոչ բռնի, թավշյա, ժողովրդական հեղափոխությունն է»,- այսօր՝ Արարատի մարզի Արտաշատ քաղաքում բնակիչների հետ հանդիպման ժամանակ, հայտարարեց ՀՀ վարչապետի պաշտոնակատար Նիկոլ Փաշինյանը։
«Ես գիտեմ, որ դուք բոլորդ էդ թավիշ բառից զզվում եք, ճիշտը որ ասեմ՝ ես էլ արդեն»,- նշեց նա։
«Հենց հիմիկվանից մենք պիտի արձանագրենք՝ վերջ թավիշին։ Էդ լակոտ-լուկուտները, որ մայթերում, փողոցներում ափռ-ցփռ դուրս են տալիս, ուզում եմ ասել հետևյալը՝ հերիք եղավ բոլ եղավ։ Սրանից հետո կա՛մ ձեզ կարգին կպահեք՝ հավսար-զգաստ՝ որպես օրինապահ քաղաքացի, կա՛մ ՀՀ ժողովուրդը՝ իմ առաջնորդությամբ կհանի մեր թավիշը»,- հայտարարեց Փաշինյանը։

Վարչապետի պաշտոնակատարը քաղաքացիներին առաջարկեց դուրս գալ և միասին քայլել Արտաշատի փողոցներով, քանի որ, նրա խոսքով, բոլորը չեն կարողացել ներկա գտնվել հանդիպմանը դահլիճի սահմանափակ տեղերի պատճառով։