«Էս պատկերն աչքի առաջ ունենալով՝ Սերժ Սարգսյանն ստորագրեց իր հրաժարականը». Հայկ Մանասյան

Բժիշկ Հայկ Մանասյանը ֆեյսբուքյան իր էջում գրել է. «Հայաստանի և Ադրբեջանի ռազմական ծախսերը մինչև պատերազմը (սեկտորներով տրված է թե որ երկրից գնումների քանի տոկոսն է արված):

Ու պատկերացրեք, թե այս տարբերությունն ինչ կարգի ճիգով ու ջանքով պետք էր հաղթահարվեր։ Ու հնարավո՞ր էր արդյոք։

Պատկերացրեք՝ էս պատկերն աչքի առաջ ունենալով Սերժ Սարգսյանն ստորագրեց իր հրաժարականը։ Էս պատկերն աչքի առաջ Նիկոլը հանդգնեց իշխանություն վերցնել իր բանկա-բութուլկաներով։

Ու փոխանակ առավոտից իրիկուն էս պատկերը փոխելու օրակարգով տարված լիներ ՀՀ քաղաքական դաշտը, դրել իրար միս էին ուտում օրնիբուն, տասնյակ տարիներ շարունակ։

Ո՞վ է թիվ մեկ մեղավորը։

Այս հիմար հարցը տվողն է թվվ մեկ մեղավորը։ Որովհետև կրկնեմ՝ միայն մեկ հարց պիտի լինի օրակարգում՝ ինչպե՞ս հաղթահարել այս տարբերությունը, ի՞նչ ջանքով ու ճիգով։ Սահմանին ռուսական դրոշներ շարել չառաջարկե՛ք։ Էդ ստրկամիտ լուծումն ընկած է այս պատկերում առկա անհավասարության արմատում»։