«Փաշինյանն ակնհայտորեն կորցրել է վերահսկողությունը». Տիգրան Աբրահամյան

«Պատիվ ունեմ» դաշինքի անդամ Տիգրան Աբրահամյանը ֆեյսբուքյան իր էջում գրել է. «Արդեն պատկերը պարզ է. Փաշինյանն ակնհայտորեն կորցրել է վերահսկողությունը և՛ ինքն իր նկատմամբ, և թե՛ երկրում ընթացող գործընթացների։

Հունիսի 20-ից հետո սրանք հեռանալու են, ինչի գիտակցումն արդեն կա իշխող ուժի շարքերում։

Նիկոլը դեռ դիմադրում է և փորձելու է իշխանությունը պահել՝ նույնիսկ ողբերգության գնով։ Համոզված չեմ, որ այդ հարցում նա իր թիմի շարքերում մեծ աջակցություն ունի։

Այս պահին գերխնդիրն իշխանության անցնցում ապահովման հարցն է։

Չպետք է թույլ տանք, որ հասարակության ներսում սերմանված թշնամությունը, անհանդուրժողականությունը որոշիչ դառնա ընտրական գործընթացներում՝ սրանք պետք է խաղաղ հեռանան ու վերջ։

Իսկ դրան պետք է անմիջապես հետևեն իրավական գործընթացներ»։