Չորեքշաբթի, 09 սեպտեմբերի, 2026 թ.
|
Ստեփանակերտում`   +11 °C

«Մեզ ավելին է պետք». ՆԱՏՕ-ի գլխավոր քարտուղարը Ուկրաինայի առաջ պայման է դրել

«Մեզ ավելին է պետք». ՆԱՏՕ-ի գլխավոր քարտուղարը Ուկրաինայի առաջ պայման է դրել
2035
Չորեքշաբթի, 16 հունիսի, 2021 թ., 12:40

ՆԱՏՕ-ին անդամակցելու համար Ուկրաինան պետք է «ավելին անի» բարեփոխումների ոլորտում, հայտարարել է դաշինքի գլխավոր քարտուղար Յենս Սթոլթենբերգը։

Նա հիշեցրել է, որ Ուկրաինան Հյուսիսատլանտյան դաշինքին անդամակցելու թեկնածու է։ Դաշինքը տարբեր աջակցություն է ցուցաբերում այդ երկրին՝ պաշտպանության և անվտանգության ինստիտուտների արդիականացման բնագավառում, ինչպես նաև կոռուպցիայի դեմ պայքարում:

«Մենք պարտավորությունների կատարման տարբեր ծրագրեր ունենք, որոնք հիմնականում նվիրված են բարեփոխումների շրջանակներում կոռուպցիայի դեմ պայքարին, որոնք Ուկրաինան արդեն սկսել է, բայց մեզ ավելին է պետք: Մենք պետք է ավելին անենք՝ դրանց ամբողջական իրականացումն ապահովելու համար»,- ասել է Սթոլթենբերգը։

Ընդ որում՝ ՆԱՏՕ-ին անդամակցելու համար անհրաժեշտ է կազմակերպության բոլոր 30 անդամ երկրների համաձայնությունը։ Այդ հարցը գագաթնաժողովի հիմնական թեման չի եղել, հավելել է նա։