«Կորոշվի՝ կարողանո՞ւմ ենք պահպանել պետականությունը, թե՞ ղեկն անցնում է ոչ ադեկվատ, արկածախնդիր, վրեժի մոլուցքով լցված ուժերի»․ Ա․ Մանուկյան

«Սա ամենևին խորհրդարանական ընտրություններ չէ․ գոյապահպանական խնդիր է»,- հայտարարել է ՀԱԿ փոխնախագահ Արամ Մանուկյանը։

«Լրջագույն խնդիրների առաջ ենք կանգնած, և վատ սցենարի դեպքում մեր պետականությունը, անկախությունը կասկածի տակ կդրվեն»,- նշել է նա։

«Այդ առումով առաջիկա ընտրությունները յուրահատուկ հանրաքվե են, երբ որ կորոշվի՝ կարողանո՞ւմ ենք պահպանել պետականությունը, թե՞ պետության ղեկն անցնում է ոչ ադեկվատ, արկածախնդիր, վրեժի, ցասումի մոլուցքով լիցքավորված քաղաքական ուժերի»,- ասել է Մանուկյանը։

ՀԱԿ փոխնախագահի խոսքով՝ միակ քաղաքական ուժը, որը կարող է արկածախնդրության դեմն առնել և պահպանել պետականությունը, դա Հայ ազգային կոնգրեսն է։