Արմավիրի մարզի ոստիկանապետը ՔՊ-ին չընտրողների ցուցակ է հավաքում. «Դեժավյու»

«Դեժավյու» թելեգրամ ալիքը ֆեյսբուքյան իր էջում գրել է. «Արմավիրի մարզի ոստիկանապետ, «Դխկ» անունով հայտնի Կարեն Հակոբյանը ՔՊ-ին չընտրողների ցուցակ է հավաքում՝ նրանց ընտրության գնալը խոչընդոտելու համար:
Արմավիրի մարզային վարչության պետ, գնդապետ Կարեն Հակոբյանը, ով հայտնի է «Դխկ» մականունով, հանդիսանում է Վահե Ղազարյանի նախկին ղեկավարը և վերջինիս մտերիմը: Մարզային վարչությունում և ենթակա ստորաբաժանումներում ակտիվ քարոզում է ներկա իշխանության համար և պահանջել է իր ենթակա ոստիկանապետերից այսօր ցուցակ տալ «Քաղաքացիական պայմանագրին» և նույն դաշտում խաղացող ուժերին չընտրողների, որպեսզի ինչ-որ ճանապարհով փորձեն նշված մարդկանց թույլ չտալ գնալ ընտրատեղամաս։ Այժմ փորձում են տվյալ մարդկանց անձնագրերը հավաքել»: