«Չտրվել «թաղի տղաների» հորդորներին կամ պահանջներին». Սոֆյա Հովսեփյան

ԱԺ պատգամավոր Սոֆյա Հովսեփյանը ֆեյսբուքյան իր էջում գրել է. «Հարգելիներս, գիտեմ, որ այսօր համերաշխության ակնկալիքը կարող է երազկոտություն թվալ, բայց ինձ իրավունք եմ վերապահելու խնդրել և հորդորել բոլոր հայրենակիցներիս՝ վաղը լինել առավել զգոն, առավել զուսպ, առավել կազմակերպված և չտրվել որևէ անօրինության։ Չմոռանանք,որ անկախ ընտրության արդյունքներից, մենք պետք է լինենք կառուցողական։ Գտե՛ք խաղաղության ճանապարհը և մի՛ տրվեք էմոցիաներին, ինչը չափազանց բարդ, բայց կարևոր մարտահրավեր է։ Հայ ժողովուրդը այս փուլն էլ կհաղթահարի, եթե լինի խոհեմ ...
Հիշե՛ք, ընտրությունը «խաթրով» չեն անում և դուք պարտավոր եք ձեր երեխաների համար ճիշտ ընտրություն անել և չտրվել «թաղի տղաների» հորդորներին կամ պահանջներին։ Մենք ազատ ենք մեր ընտրության մեջ և մենք ենք ընտրելու, թե վաղն ինչպիսի երկրում են ապրելու գալիք սերունդները։
Սթափություն և խոհեմություն եմ մաղթում բոլորիս...
Արցախի և Հայաստանի վաղվա վիճակը յուրաքանչյուրիս ձեռքերում է»: