«Այս ընտրությունները կարող են ճակատագրական նշանակություն ունենալ». Նորայր Նորիկյան

«Արդար Հայաստան» կուսակցության վարչապետի թեկնածու Նորայի Նորիկյանը ևս կատարեց իր ընտրությունը: Լրագրողների հետ զրույցի ժամանակ նա հայտնեց, որ քվեարկել է հանուն արդար Հայաստանի, համերաշխության, բարեկեցիկ և զարգացած պետության:

«Ես խորապես համոզված եմ, որ այս ընտրությունները կարող են ճակատագրական նշանակություն ունենալ մեր հանրային կյանքի բոլոր ոլորտներում, եթե ինքներս գիտակցենք և գիտակցված որոշում կայացնենք: Ես խորապես ապավինում եմ մեր ժողովրդի իմաստությանը: Հույս ունեմ, որ առաջիկա օրերին, յուրաքանչյուրս մեզնից կախված ամեն ինչ կանենք՝ դրսևորելու զսպվածություն, հավասարակշռություն, պատասխանատվության զգացում»,- ասաց Նորիկյանը: