«Յուրաքանչյուր մարդ ունի ազատ ընտրության իրավունք»․ Գարրի Արզումանյան

Նկարիչ Գարրի Արզումանյանը ֆեյսբուքյան իր էջում գրել է. «Չեմ գժտվում ընկերներից կամ ծանոթներիցս որևէ մեկի հետ՝ անկախ նրանից, թե ում են տվել իրենց քվեն: Չեմ ջնջում որևէ մեկին իմ ֆեյսբուքյան ընկերներից: Չեմ թշնամանում որևէ մեկի հետ: Ոչ մեկին չեմ անվանում զոմբի, անմակարդակ, թալանչի, ժեխ: Ինձ ոչ մեկից բարձր չեմ դասում:
Յուրաքանչյուր մարդ ունի ազատ ընտրության իրավունք, և անհրաժեշտ է հարգել այդ իրավունքը: Մեզանից ոչ ոք ամենագետ չէ և չի տիրապետում ողջ տեղեկատվությանը, որպեսզի օբյեկտիվ դատի ուրիշներին ու նրանց գործողությունները:
Սովորենք հարգել մարդկանց և նրանց իրավունքները»: