«Քաղաքականությունը չենք դարձնելու հայհոյանքների, ինչ-որ բազարների մթնոլորտ»․ Սուրեն Պապիկյան

«Հայաստանի Հանրապետության օրենսդրությանը համապատասխան բոլորս՝ հին թե նոր, պետք է հավասար լինենք օրենքի առաջ։ Այսինքն, եթե ես օրինազանց եմ, ես պիտի պատժվեմ։ Եթե դա ձեռնտու չէ ընդդիմությանը և պատկերացնում են, որ 6 ամիս որևէ օրինազանց չի պատժվելու՝ նման խոստում տալ չենք կարող»,- Հ1-ի տաղավարում ասաց «Քաղաքացիական պայմանագիր» կուսակցության նախընտրական շտաբի պետ Սուրեն Պապիկյանը՝ անդրադառնալով ընդդիմության հայտարարությանը, թե 6 ամսից կերևա՝ իշխանությունն իր գործունությունը փոխում է, թե՞ շարունակում է նույն ոճով գործել։

«Կարող ենք խոստանալ, ինչպես նաև այդ խոստումը ակնկալելով իրենցից էլ, որ քաղաքականությունը չենք դարձնելու հայհոյանքների, ինչ-որ բազարների մթնոլորտ։ Սա բարձր մակարդակով հնչող հայտարարություն է»,- ասաց նա՝ նշելով, որ իրենք կողմնակից ու ջատագով ենք քաղաքական առողջ քննադատության․ «Բայց դա չպիտի լինի հայհոյախառն, չպիտի լինի պիտակավորված՝ «դավաճան», «թուրք» և նմանատիպ այլ ձևակերպումներով»,- ասաց Պապիկյանը։