Նիդերլանդների խորհրդարանը կոչ է արել Կառավարությանը չմեկնել Բաքու` Եվրոպայի ֆուտբոլի առաջնությանը

Նիդերլանդների խորհրդարանը բանաձև է ընդունել, որով դիմում է կառավարությանը ներկա չգտնվել Բաքվում՝ ԵՎՐՈ 2020 մրցաշարերի քառորդ եզրափակիչ փուլի ֆուտբոլի մրցույթին, եթե Նիդերլանդների ազգային հավաքականը Բուդապեշտում հաղթի:

Բանաձևում մասնավորապես ասվում է.
«Պալատը, լսելով քննարկումները և արձանագրելով, որ ի խախտումն Լեռնային Ղարաբաղում 2020թ. պատերազմում զինադադարի համաձայնության և միջազգային իրավունքի,
դեռևս 200-ից ավելի հայ ռազմագերիներ են պահվում Բաքվում, որտեղ նաև բացվել է զոհված հայ զինվորների սաղավարտներով «ռազմական ավարի» պուրակ, կոչ է անում կառավարությանը՝ Բաքու չուղարկել պատվիրակություն այն պարագայում, եթե Նիդերլանդների հավաքականը խաղ անցկացնի Բաքվում»։