«Որպեսզի ապրի Հայաստանը, պետք է մեռնի մաֆիան». Լևոն Շիրինյան

Քրիստոնյա-ժողովրդավարական կուսակցության նախագահ Լևոն Շիրինյանը ֆեյսբուքյան իր էջում գրել է. «Գողապետության կազմաքանդումը Հայաստանի գերշխան պետության ու հայ ժողովրդի հարատևության նախապայմանն է, հայ քաղաքակրթության թռիչքի նախադրյալը:

Ուստի, որպեսզի ապրի Հայաստանը, պետք է մեռնի մաֆիան, խստագույնս պատժվեն մաֆիոզներն ու հայրենադավերը:

Օրենքը բխում է իավունքից, իսկ իրավունքի առաջ հավասար են բոլորը:

Որևէ մաֆիոզ չի կարող ինչ-ինչ ծառայությունների դիմաց ակնկալել արտոնություն օրենքի առաջ: Օրենքն ավելի խիստ կարող է լինել «ծառայություններ» ունեցողների, զավեշտի ժանրով «էլիտա» դարձածների հանդեպ, բայց ոչ երբեք չարքաշ կյանքի դատապարտվածների նկատմամբ:

Այլ կերպ դատել, նշանակում է ոճիր գործել»: