«Բժշկին մտցրել եք կուսակցական ցուցակ, հիմա էլ նեղանում եք, թե՝ կյանքեր փրկող մարդուն ինչո՞ւ եք փակել, թող գնա, մարդկանց բուժի»․ Ա․ Ղարիբյան

«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «Կյանքեր փրկող բժիշկ-պրոֆեսորին մտցրել եք կուսակցական ցուցակ, ներքաշել եք ընտրական գործընթացների մեջ, խրախուսել եք, որ ձայներ ապահովի ձեզ համար, հիմա էլ դատախազությունից եք նեղանում, թե՝ կյանքեր փրկող մարդուն ինչո՞ւ եք փակել, թող գնա, շարունակի մարդկանց բուժել։ Ի սկզբանե պիտի շարունակեր իր գործն անել ու այսչափ չկուսակցանացվեր։ Իսկ եթե ընտրել է կուսակցական ճանապարհը, այլևս էական չէ, թե ինչ մասնագետ է, մանավանդ, եթե ապացուցվում է հանցանքը։
Իսկ առհասարակ, էդ նախնական կալանքը պիտի շատ հազվադեպ կիրառվի, երբ շատ լուրջ հիմքեր կան։ Չարչյանի դեպքում վստահ չեմ, որ կան»։