«Նիկոլին մնում էր 2 տարի, ընդդիմությունը նրան նվիրեց 5 տարվա ուժեղ իշխանություն». Վարդուհի Իշխանյան

ՀՀ առաջին վարչապետ Վազգեն Մանուկյանի կինը՝ Վարդուհի Իշխանյանը ֆեյսբուքյան իր էջում գրել է. «Նիկոլի թելադրած խաղի կանոնները ընդունած ու արտահերթ Ընտրություններին խելապատառ ձգտող ուժերը գիտակցում ու պատասխանատվություն կրո՞ւմ են արդյոք, թե ինչ աղետի բերեցին Հայաստանը: Թույլ ու վախեցած նիկոլին, որին մնում էր երկու տարի, որի ընթացքում նրա հրաժարականը շատ հավանական էր, նվիրեցին հինգ տարվա ուժեղ իշխանություն՝ իրենց մի քանի պատգամավորական մանդատի դիմաց: Մի՞թե մեր հասարակության լավագույն ու հայրենիքը սիրող հատվածը յոթ-ութ ամիս ցրտին, մթին փողոց էր դուրս եկել, զոհողությունների էր պատրաստ գնալ մի քանի մանդատի և նիկոլի իշխանության ամրացման համար: էլ ո՞ւր մնաց դաշնակցականների «՛առանց նիկոլ Հայաստան» կոչը...»: