«Ես ինքս գլխից խփող եմ». անհայտ կորածի հարազատ

«Ես պահանջեցի, ասեցի՝ պարո՛ն վարչապետ, հանձնաժողով ստեղծենք, ասեց՝ հրաշալի գաղափար ա: Մենք մեր ծնողներով, մեր ձեռքում եղած նյութերով, ուսումնասիրություն կիրականացնենք, մեղավորներին կպատժենք»,- դուրս գալով վարչապետի աշխատասենյակից՝ ասաց անհայտ կորած զինծառայողներից մեկի հարազատը:

«Ես Ֆեյսբուքով կոնկրետ զանգ եմ ստացել, որ իմ էրեխեն դեկտեմբերի 17-ին գերի ա, դեկտեմբերի 20-ին մարդիկ մտել են իմ էրեխուն տեսել են վիրակապված, էստեղ էլ ասում են՝ քեզ ԴՆԹ ա համընկել, էրեխուդ պիտի հուղարկավորենք»,- մանրամասնելով, թե ինչ խոչընդոտների է հանդիպել որդուն փնտրելու ճանապարհին, ասաց զինծառայողի հայրը:

«Չեն հաստատում, քայլեր չեն ձեռնարկվում իրականությունը պարզելու համար: Ո՞վ է զբաղվում այդ հարցով, թող պատժի: Ես ասեցի՝ բերեք պատժենք, ես ինքս գլխից խփող եմ: Եթե իմ եղբայրները մնան էնտեղ, ով ուզում ա դրա մեղավորը լինի՝ առանց վարանելու, դողալու, կվերացնեմ: Չի կարող տենց բան լինի, էդ երեխեքը հետ են գալու»,- ասաց նա:

Թե ինչպես է արձագանքել վարչապետն իրենց՝ ծնողների որոշումներին, վերջինը նշեց. «Վարչապետն ասեց՝ խնդիր չկա, հանձանաժողով կազմեք, գտեք մեղավորին՝ պատժենք:

Ես ձեզ վստահեցնում եմ՝ գերիների թիվն ավելի շատ է, քան անհայտ կորածներինը»: Հարցին՝ այդ դեպքում ի՞նչն է պատճառը, որ թաքցնում են, արձագանքեց. «Իմ կարծիքով՝ ինչքան քիչ գերիներ, այնքան քիչ պրոբլեմներ»: