«Ռուս գազանն իր երախն այս անգամ շատ լայն է բացել. շտապել է պետք». Մարատ Բաղդասարյան

ՀՀ ԿԱ ԱԳ Կադաստրի պետական կոմիտեի բաժնի պետ Մարատ Բաղդասարյանը ֆեյսբուքյան իր էջում գրել է. «Ճահճում խեղդվող մարդուն օգնության հասածները երկար փայտի կտոր են մեկնում նրան, որ բռնվի ու ճահճից դուրս գա։ Հայաստանն այսօր ընկղմվել է ռուսական ճահճի մեջ ու խեղդվում է։ ԱՄՆ, Ֆրանսիան, Եվրոմիությունը, Հնդկաստանը, Իրանը և էլի մի շարք երկրներ իրենց օգնության հզոր միասնական ձեռքն են մեկնել մեզ։ Մնում է պինդ բռնել այդ ձեռքն ու ազատվել ռուսական ճահճից։ Հենց այսօր էլ տեղեկատվություն տարածվեց, որ ԵՄ-ը կանաչ լույս է վառել Հայաստանի հետ կնքվելիք ավիացիոն համաձայնագրերի կնքման հարցում։ Բարեկամ երկրներն առաջարկում են ռազմական, հումանիտար, տնտեսական և էլի հազար ու մի օգնություն, որ երկիրը փրկեն ռուսի ճանկերից։ Մնում է խելամտություն ու քաջություն ունենալ ու օգտվել եզակի հնարավորությունից։ Այլընտրանքը կործանումն է։ Ռուս գազանն իր երախն այս անգամ շատ լայն է բացել։ Շտապել է պետք»։