«Քայլում ես փողոցով, մարդիկ նայում են քեզ ու հայացքով ցույց տալիս էդ կառույցն ու ասում՝ դու ո՞վ ես, քեզնից ի՞նչ ես ներկայացնում». Աղազարյան

«Շատ տգեղ և շատ վիրավորական է, մանավանդ, որ դու ներկայացնում ես նաև իշխանություն, որ քայլում ես փողոցով, մարդիկ նայում ենք քեզ ու հայացքով ցույց են տալիս էն կառույցը, որ արդեն մտելա փողոցի մեջտեղը. ասում են՝ դու ո՞վ ես, քեզնից ինչ ես ներկայացնում»,- ԱԺ արտահերթ նիստում ինքնակամ կառույցներին վերաբերող նախագծի քննարկման ժամանակ ասաց «Իմ քայլը» խմբակցության պատգամավոր Հովիկ Աղազարյանը:

«Ու ես մի անգամ ասեցի այդ տղաներից մի քանի հոգու, ասեցի՝ մյուս անգամ ես չեմ ընտրվի, մենք չեն ընտրվի, դուք իմ գլուխն էս ասֆալտի վրա կջնջխեք, ես գիտեմ, բայց դա ինձ չի հետաքրքրում, էսի պիտի քանդվի... սարսափելի բաներ են տեղի ունենում»,- շարունակեց պատգամավորը՝ առաջարկելով նախագիծն ընդունել առաջին ընթերցմամբ: