Երկուշաբթի, 20 ապրիլի, 2026 թ.
|
Ստեփանակերտում`   +8 °C

Վլադիմիր Գասպարյանի գույքի վրա արգելանք է դրվել

Վլադիմիր Գասպարյանի գույքի վրա արգելանք է դրվել
228
Չորեքշաբթի, 30 հունիսի, 2021 թ., 17:19

Նախկին ոստիկանապետն արդեն իսկ հրավիրվել է դատախազություն՝ «Ապօրինի ծագում ունեցող գույքի բռնագանձման մասին» օրենքի շրջանակներում իրականացվող ուսումնասիրության առնչությամբ

«Ապօրինի ծագում ունեցող գույքի բռնագանձման մասին» օրենքի շրջանակներում իրականացվող ուսումնասիրության արդյունքում ՀՀ նախկին ոստիկանապետ Վլադիմիր Գասպարյանի գույքի վրա արգելանք է դրվել։ Տեղեկությունը Sputnik Արմենիային հայտնեցին դատախազությունից։

«Գասպարյանը հունիսի 18-ին հրավիրվել է դատախազություն՝ բացատրություն ներկայացնելու։ Դատարանի որոշմամբ Վլադիմիր Գասպարյանի գույքի նկատմամբ կիրառվել է հայցի նախնական ապահովման միջոց»,- ասացին դատախազությունից։

Դատախազությունից հավելեցին նաև, որ, հաշվի առնելով «Ապօրինի ծագում ունեցող գույքի բռնագանձման մասին» օրենքի շրջանակներում իրականացվող ուսումնասիրության գաղտնիությունը, այլ անձանց պատկանող գույքի նկատմամբ իրականացվող ուսումնասիրության վերաբերյալ տվյալներ չեն կարող տրամադրել։