«Մենք հո չե՞նք կարող գերիներին վերադարձնել ամեն գնով»․ Հովիկ Աղազարյան

ԱԺ «Իմ քայլը» խմբակցության պատգամավոր Հովիկ Աղազարյանն այսօր՝ ճեպազրույցում, անդրադառնալով վարչապետի պաշտոնակատար Նիկոլ Փաշինյանի հայտարարությանը, ըստ որի գերիները կներեն, եթե իրենց իշխանությունը մեկ-երկու ամիս ուշ վերադարձնի, ասաց․ «Դե հիմա մենք հո չե՞նք կարող գերիներին վերադարձնել ամեն գնով»։

Դիտարկմանը, որ ինչ-որ փուլում փոխարենը քարտեզներ են տրվել, Աղազարյանն ասաց․ «Դե էդ հնարավորությունը սպառված չէ․ էլի կա քարտեզներ տալու հնարավորություն գերիների դիմաց, որովհետև էդ քարտեզները վերաբերում են Ադրբեջանի վերահսկողության տակ մնացած տարածքներին»։

Աղազարյանի խոսքով՝ այդ քարտեզները բոլոր դեպքերում պետք է տրվեին Ադրբեջանին։

«Եթե մենք անգամ գերիներ չունենայինք իրանց մոտ, միևնույն է, պատերազմից հետո մենք պարտավոր էինք տալ, որովհետև այնտեղ խաղաղ բնակիչներ կարող էին, չէ,՞ զոհվել»,- հավելեց նա։