«Բա հիմա երկիրը չի՞ կործանվում, ինչո՞ւ եք լռում, ո՞ւր եք կորել». Գեղամ Օհանյան

Արշավական Գեղամ Օհանյանը ֆեյսբուքյան իր էջում գրել է. «Բոլորը սպառել են իրենց լիցքերը, որոշները սպառել են իրենք իրենց: Մի շաբաթ է՝ բզկտոց չկա, դավաճաններ չկան ու հետևաբար տագնապ էլ չկա: Մի տեսակ արժեզրկվում են երկրի կործանման մասին ամպագոռգոռ թեզերը, որոնք իրենց քարոզների հիմքում դնում էին շատ ուժեր:
Բա հիմա, էս պահին երկիրը չի՞ կործանվում, տղե՛րք, ինչո՞ւ եք լռում, ո՞ւր եք կորել: Գնացել եք հանգստանալո՞ւ, որ նոր ներկայացումներով վերադառնաք: Շատերիդ համար այս ամենը ուղղակի խաղ է, որ խաղում եք որոշակի շրջափուլով...
Իսկ երկիրը գահավիժում է ձեր օրակարգերից դուրս, այլ ընթացքով, այլ պատճառներով, որոնց լուծումները նվիրում ու աշխատանք են պահանջում:
Խոնարհում նրանց առաջ, ովքեր այս ամենը հասկանում են ու սկսել են գործել, ում կյանքը պատերազմից հետո բեկվել է, ում համար անկախ ամեն ինչից, անկախ քարոզներից ու բևեռներից՝ ամենաթանկը հայրենիքն է, ու իրենք սկսել են քարը քարի վրա դնել...
Հայրենիքը իրենցն է»: