«Որոշ դատավորներ հաջողացնում են նույնիսկ պետական միջոցներ մսխել». Դանիել Իոաննիսյան

ԻՔՄ ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «ՊՎԾ-ն դատական դեպարտամենտում լրջագույն աշխատանք է իրականացրել ու մի շարք հանցագործություններ է գտել: Պետական միջոցների մսխմանը, պարզվում է, մասնակցել են նաև երկու դատավորնոր:
Եթե նախկինում մենք համարում էինք, որ Հայաստանում շատ դատավորներ կաշառակեր են ու քաղաքական պատվերով «արդարադատություն» իրականացնողներ, ապա այժմ մենք իմացանք, որ որոշ դատավորներ հաջողացնում են նույնիսկ պետական միջոցներ մսխել:
Դատական համակարգը պետք է վեթինգի միջոցով խելքի բերվի: Հայաստանը պետք է ձերբազատվի բոլոր այն դատավորներից, որոնք արդարադատության փոխարեն պատվերով կամ կաշառքով որոշումներ են կայացրել և, իհարկե, որոնք պետական միջոցներ են մսխել»: