«Եթե ինչ-որ մեկը կփորձի այլ քայլերի դիմել, պետք է լինի լուրջ հակահարված». Արմեն Խաչատրյան

Իմքայլական պատգամավոր Արմեն Խաչատրյանը, արձագանքելով ՀՀ երկրորդ նախագահ Ռոբերտ Քոչարյան՝ 1,5 տարի հետո նոր արտահերթ ընտրությունների կանխատեսումներին, ինչպես նաև իշխանության վերաբերյալ գնահատականներին, ասաց. «Ռոբերտ Քոչարյանը թող նման դիտարկումներ չանի, որովհետև նրա դիտարկումներով չէ, որ երկրի ապագան պետք է որոշվի: Ժողովուրդը որոշել է՝ առաջիկա հինգ տարում երկրի ապագան ինչպիսին է լինելու: Եթե ինչ-որ մեկը կփորձի ժողովրդի որոշումից բացի այլ քայլերի դիմել՝ օրենքի դաշտից դուրս, պետք է լինի շատ լուրջ հակահարված: Այդ հակահարվածի պահանջը հենց ժողովրդինն է»: