«Արդյոք անդրկուլիսային առևտուրը միայն այդ դրվագով է սահմանափակվել». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Ըստ հրապարակ հանված «գաղտնի» ձայնագրության՝ Սերժ Սարգսյանը մերժել էր Արցախի ազատագրված տարածքները հինգ միլիարդ դոլարի դիմաց Ադրբեջանին փոխանցելու Լուկաշենկոյի առաջարկը:

Այդ ձայնագրությունում պարոն Սարգսյանն իր կողմից վեց միլիարդ է առաջարկում Ադրբեջանին՝ այդ տարածքներից հրաժարվելու դիմաց: Հավանաբար հիշյալ ձայնագրությունն ասպարեզ հանվեց, որպեսզի հանրության մոտ այնպիսի մի տեսակետ ձևավորվի, որի համաձայն Սարագսյանի մերժած գումարին Փաշինյանն է համաձայնել ու պայմանավորված պատերազմով հանձնել ինչպես ազատագրված տարածքները, այնպես էլ ԼՂԻՄ երբեմնի տարածքի կեսը՝ Շուշիով ու Հադրութով:

Արդյոք Արցախի տարածքների հանձնմանը վերաբերող անդրկուլիսային առևտուրը միայն այդ դրվագով է սահմանափակվել, թե՞ ունեցել է իր շարունակությունը, որը դեռևս քողազերծված չէ»: