«Հայաստանը պատերազմից և ընտրություններից հետո նմանվել է Մալենային»․ Արմեն Աշոտյան

«Հիշո՞ւմ եք՝ իտալական լավ ֆիլմ կար՝ «Մալենա»։ Հայաստանն այս պատերազմից և ընտրություններից հետո նմանվել է Մալենային՝ ֆիլմի գլխավոր հերոսուհուն՝ սիրուն, սիմպատիչնի, գրավիչ, հյութեղ աշխարհաքաղաքական մի կերպար, որի հետևից բոլորը ժամանակին խոսում էին, տենչում էին և որին փչացնելու համար ջանք ու եռանդ չէին խնայում»,- այսօր՝ ասուլիսի ժամանակ, հայտարարեց ՀՀԿ փոխնախագահ Արմեն Աշոտյանը։

«Ինչպես ֆիլմում, այնպես էլ կյանքում այդ աշխարհաքաղաքական գեղեցկուհուն, ի դեմս Հայաստանի, փչացրին և խաղացին նրա բարի համբավի հետ»,- նշեց նա։

«Կադր կար, երբ գեղեցկուհին գյուղի միջով անցնում է, բոլորը հետևից փսփսում են․․․ Հիմա մենք ենք այս վիճակում՝ Հայաստանն անցնում է ցանկացած միջազգային շրջանակում, բոլորը փսփսում են»,- հավելեց Աշոտյանը։