«ՌԴ-ն ինքն է հոժարակամ Թուրքիայի թաթիկը բռնել ու բերել նստեցրել Ադրբեջանում». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Կարելի է ասել, որ Ռուսաստանն ինքն է հոժարակամ Թուրքիայի թաթիկը բռնել ու բերել նստեցրել Ադրբեջանում՝ ասելով. «Բարով կառավարես»: Եթե հաշվի առնենք այն, թե ինչ կոշտ արտահայտություններով է փորձում Մոսկվան սանձել ՆԱՏՕ-ի ակտիվությունն իր եվրոպական սահմանների մոտ և այդ պահվածքը համեմատենք այն քաղցրիկ բարեհաճության հետ, որով աչքի է ընկնում ՌԴ վերաբերմունքն իր հարավային սահմանագլխին ՆԱՏՕ-ի անդամ պետության ռազմակայան հիմնելու կապակցությամբ, ապա ինքնին այն տպավորությունն է ստեղծվում, որ Մոսկվայի համար ՌԴ արևմտյան ու հարավային սահմանները նույն արժեքը չունեն: Մեզ համար կարևոր է հասկանալ թե այդ տարբերության հիմքում ինչ է ընկած»: