«Էյֆորիայի սիրահար հայկական լսարանին առաջարկում եմ իրական աչքերով նայել այս իրողությանը». Ն. Հոխիկյան

Լրագրող Նաիրի Հոխիկյանը ֆեյսբուքյան իր էջում գրել է. «Ադրբեջանում խոշոր հրդեհ է բռնկվել Բաքվի ափամերձ նավթահորատման վայրում։ Կրակի բարձրությունը տասնյակ մետրեր է բարձրանում։
Էյֆորիայի սիրահար հայկական լսարանին առաջարկում եմ իրական աչքերով նայել այս իրողությանը' թշնամու տարածքում նավթահորի խոշոր հրդեհ է, որը տասնյակ, գուցե հարյուրավոր միլիոն դոլարների վնաս տա նրան։ Վերջ։ Լոկ ֆինանսական կորուստ, որը մեզ համար ևս լավ է։
Փոխարենը հայկական սոցիալական ցանցերը լցվել են խինդ ու ուրախությամբ, թե Բաքուն ջրի տակ է անցնում։
Մենք խիստ զգացմունքային ու նույնիսկ ոչ ադեկվատ էթնոսի ենք վերածվել, որը չի ուզում իրականությունը տեսնել՝ միաժամանակ սկսում է աստիճանաբար մահ ու աղետ ցանկանալ ուրիշներին։
Եթե կարող ես, ինքդ մահ ու աղետ բեր ուրիշներին, գրավիր մեծ տարածքներ ու ապրիր գոհ, առանց տառապանքի. դա է ազգերի ու պետությունների կյանքի օրենքը։ Մնացած ամեն ինչ թույլերի ինքնարդարացման համար է»։