«Ուզում էի ասեի՝ ա՛յ ախպեր, դու հաստատ ռուսական պասպորտ էլ կունենաս, ի՞նչ կլնի՝ «Հայաստան» մի գոռա». Սոս Ջանիբեկյան

Դերասան Սոս Ջանիբեկյանը ֆեյսբուքյան իր էջում գրել է. «Շատ եմ թափառում փողոցներում, «Հայաստան» դաշինքի տիպը հետևը կպցրած մեքենաներն ամենավատն են իրանց պահում բոլոր մեքենաների մեջ (իհարկե օփելներից հետո), ամենավատն են քշում ու ամենասխալ տեղերն են պարկինգ անում:
Էսօր էլ ինձ մեկը տեսավ իրա եքա ջփից սկսեց գոռալ. «Հա-յաս-տան, Հա-յաս-տան». նայեցի դեմքին հետո համարներին, ռուսական համարներ էին, ուզում էի ասեի. «ա՛յ ախպեր, հաստատ դու ռուսական պասպորտ էլ կունենաս, ի՞նչ կլնի ախպերական դու Հայաստան մի գոռա էլի էս շոգին: Էն էլ շատ շոգ էր, ալարեցի:
Ասածս ինչ ա՝ ախպերներ ջան, Ձեր դաշինքի ղեկավարների անունների հետ մի խաղացեք ու ժողովրդին ամեն օր մի ապացուցեք, որ իրանք ճիշտ ընտրություն են արել:
Հ.Գ
Քոչարյանին սատարող իմ մտերիմներին. ընկերներ, իսկապես սրտացավորեն կասեմ հետևեն էս երևույթին, որ նման պահվածքներն ընդհանրական չվերագրվի»: