«Թուրքական ընկերություններն առանցքային դերակատարություն կունենան Լեռնային Ղարաբաղի վերակառուցման գործում». Բայրամով

«Կառավարությունը գործընկերային հարաբերություններ է հաստատում համաշխարհային առաջատար ընկերությունների հետ՝ Լեռնային Ղարաբաղում վերակառուցմանն ու զարգացմանն ուղղված աշխատանքների համար։ Թուրքական ընկերություններն առանցքային դեր են խաղում այդ գործում։ Առաջին պայմանագրերը ստորագրվել են հենց թուրքական ընկերությունների հետ»,- Hürriyet Daily News-ին տված հարցազրույցում հայտարարել է Ադրբեջանի արտգործնախարար Ջեյհուն Բայրամովը։

Նա նշել է, որ թուրքական ընկերությունները զբաղվում են տարածքների վերակառուցմամբ, այդ թվում՝ ճանապարհների և ենթակառուցվածքների շինարարությամբ, ինչպես նաև հանքարդյունաբերության ոլորտում համագործակցությամբ։